Shkruan: Nikola SANDULOVIQ, Beograd
Situata në Ballkan po hyn në një fazë kritike. Milorad Dodik ka shpallur të pavlefshme institucionet shtetërore të Bosnje-Hercegovinës në Republikën Srpska, duke shkelur hapur Marrëveshjen e Dejtonit dhe duke rrezikuar stabilitetin e rajonit. Ky veprim përshpejton shkëputjen e një pjese të Bosnje-Hercegovinës dhe krijon një precedent të rrezikshëm për konflikte të reja në Ballkan.
Kjo nuk është vetëm një çështje e Bosnjës, por një strategji e mirë koordinuar e Beogradit dhe Moskës për të destabilizuar rajonin. Aleksandar Vuçiq, Viktor Orban dhe Vladimir Putin janë mbështetësit kryesorë të këtij akti separatist, të cilët synojnë krijimin e një “bote serbe” përmes konflikteve dhe ndarjeve territoriale.
Nëse ky proces nuk ndalet tani, gjakderdhja dhe konfliktet do të shpërthejnë në Mal të Zi dhe Kosovë, sipas të njëjtit skenar. Arrestimi i menjëhershëm i Milorad Dodikut është i domosdoshëm për të ruajtur paqen dhe stabilitetin në rajon.
Implikimet për Kosovën dhe rajonin
Nëse komuniteti ndërkombëtar nuk e ndalon Dodikun tani, procesi i ndarjes së Bosnjës do të krijojë një precedent të rrezikshëm për Kosovën. Zajednica e Komunave Serbe nuk është gjë tjetër veçse një “Republikë Srpska e re”, e cila në një të ardhme të afërt do të kërkojë ndarje nga Kosova.
Kjo nuk është thjesht një teori konspirative – është një skenar i provuar. Marrëveshja e Dejtonit krijoi një entitet serb brenda Bosnjës, i cili sot po kërkon pavarësinë. Zajednica e Komunave Serbe në Kosovë është një strukturë e ngjashme, e nënshkruar nga klasa politike e Kosovës në marrëveshjet ndërkombëtare, dhe një ditë, një tjetër Dodik do ta përdorë atë për të kërkuar ndarjen e veriut të Kosovës.
Prandaj, ndalimi i Dodikut nëse doni ta ndalni një konflikti të ri në Kosovë dhe në gjithë Ballkanin nesër.
Nëse nuk e parandaloni sot nesër do të jetë vonë ngase një konflikti të ri në Kosovë Mal të Zi dhe në gjithë Ballkanin është permanent.
Thirrje për Veprim ndaj Ndërkombëtarëve
Nëse bota e qytetëruar nuk vepron tani, historia do të përsëritet.
NATO, BE dhe SHBA duhet të ndalojnë menjëherë përpjekjet separatiste të Dodikut dhe Vuçiqit duke e sanksionuar dhe arrestuar atë.
Institucionet e Kosovës duhet të refuzojnë çdo formë autonomie etnike që çon në ndarje.
Bashkësia ndërkombëtare duhet të ndërhyjë aktivisht për të ndalur Vuçiqin dhe Putinin nga ndezja e një konflikti të ri në Ballkan.
Nëse kjo nuk ndalet tani, pas disa vitesh një tjetër Dodik do të shfaqet në Kosovë dhe historia do të përsëritet.
