Policia e Kosovës ka arrestuar një grua në Leposaviq, e dyshuar për veprën penale “Lëndim i rëndë trupor”.
Sipas informacionit të lëshuar nga Stacioni Policor në Leposaviq, më 07.03.2025, Qendra e Mjekësisë Familjare (QMF) Leposaviq ka njoftuar policinë se një pacientë ka kërkuar ndihmë mjekësore për shkak të lëndimeve trupore, duke përfshirë një frakturë.
Pas marrjes së trajtimit mjekësor, viktima ka deklaruar se është sulmuar fizikisht nga motra e saj. Policia ka arritur të lokalizojë dhe të arrestojë të dyshuarën A.R., 49 vjeçare, e cila ka pranuar sulmin ndaj motrës së saj gjatë intervistës, e zhvilluar në prani të avokatit mbrojtës.
Pas intervistës, Prokurori i Shtetit ka marrë vendim për ndalimin e të dyshuarës për 48 orë.
