Në kuadër të Ditës së Mësuesit, në shkollat shqipe të Medvegjës u mbajt një orë letrare me pjesëmarrjen e nxënësve dhe poetëve vizitorë. Kjo ngjarje simbolike përkujtoi rëndësinë e arsimit në gjuhën shqipe, i cili vazhdon të zhvillohet, pavarësisht sfidave.
Ishte kjo një orë letrare e nxënësve dhe poetëve vizitorë në shkollat shqipe në Medvegjë, simbolikë e shënimit të Ditës së Mësuesit, ku procesi i zhvillimit të mësimit në gjuhën shqipe, pavarësisht numrit të vogël të nxënësve, ka rrjedhshmërinë e vet, thotë mësimdhënësi Hamdi Halimi.
“Përndryshe ajo e ka rrjedhën e vetë është me vite të tëra që vazhdon dhe mbarëvajtja është e mirë. Falë vizitave nga klubi i shqiptarëve Feniks në organizojmë me nxënësit dhe pritjet e tyre e me disa recitime në një farë forme e shënojmë ditën e mësuesit”, tha Halimi.
Procesi mësimor zhvillohet në dy nivelet, shkolla fillore dhe të mesme, ndërsa migrimi i familjeve shqiptare nga kjo komunë bën që numri i nxënësve të jetë i vogël, thotë Arbenita Syla mësimdhënëse.
“Vështirësitë d.m.th gjithmonë janë të pranishme edhe ekzistojnë ato por që ne mundohemi me çdo sakrificë të japim kontributin tonë maksimal sepse kjo është gjëja më e rëndësishme dhe më e veçantë për neve e sidomos për mësimdhënësit por edhe për nxënësit e shkollës tonë shqipe”, tha Syla.
Kujtesa për shkollën e parë shqipe dhe përkushtimi i zhvillimit të procesit mësimor mësimdhënësit shqiptar pavarësisht numrit të nxënësve i mban të vendosur ti kontribuojnë zhvillimit të arsimit në gjuhën shqipe në Komunën e Medvegjës.
