Administrata Trump ka anuluar 400 milionë dollarë grante dhe kontrata nga Universiteti Columbia në Nju Jork për “dështim të ndërmarrë veprime kundër ngacmimeve të vazhdueshme të studentëve hebrenj”, tha Shërbimi i Administratës së Përgjithshme të SHBA (GSA).
Qeveria tha se kjo shumë do të reduktonte 5 miliardë dollarë në fondet federale të miratuara më parë për universitetin e famshëm dhe njoftoi se do të konsideronte pagesën e parave të mbetura, sipas një deklarate të përbashkët nga GSA, Departamenti i Drejtësisë, Departamenti i Arsimit dhe Departamenti i Shëndetësisë dhe Shërbimeve Njerëzore.
Studentët e Kolumbisë kërkojnë t’i jepet fund mbështetjes së SHBA-së për Izraelin
Universiteti Columbia ishte qendra e protestave në të cilat studentët kërkuan t’i jepet fund mbështetjes amerikane për Izraelin për shkak të viktimave civile dhe krizës humanitare të shkaktuar nga sulmet izraelite në Gaza.
Gjatë protestave dhe kundërprotestave u shfaqën akuza për antisemitizëm dhe islamofobi. Universiteti ka deklaruar më parë se po bën përpjekje për të luftuar antisemitizmin.
“Eleminimi i këtyre fondeve të taksapaguesve amerikanë është sinjali më i fortë ende se qeveria federale nuk ka ndërmend të mbështesë një institucion arsimor si Kolumbia që nuk arrin të mbrojë studentët dhe stafin hebre”, tha Leo Terrell, kreu i task-forcës së Departamentit të Drejtësisë për të luftuar antisemitizmin.
Nuk dihet ende se cilat kërkime, projekte dhe aktivitete të Kolumbisë do të preken nga ky veprim. Universiteti ka ndër të tjera edhe spitalin e tij.
