Kreu i rajonit të Donetskut, Vadim Filashkin, tha në një postim në Telegram këtë mëngjes se numri i të vrarëve në rajonin e Donjeckut dje është rritur në 20, ndërsa 43 të tjerë janë plagosur, raporton BBC . “Rusia po vret civilë,” tha ai.
Ai shtoi se shifrat e fundit nuk përfshijnë të plagosurit në Mariupol dhe Volnovakha, të cilat aktualisht janë nën kontrollin ushtarak rus.
Sipas një deklarate të mëparshme nga autoritetet ukrainase, dhjetëra u plagosën në një sulm rus në Dobropil, një qytet që ndodhet në veriperëndim të Donetsk, i cili është nën kontrollin rus. Sulmi mbrëmë vonë ka dëmtuar edhe tetë ndërtesa banimi dhe një ndërtesë administrative, njoftoi shërbimi rajonal i emergjencës.
Rusët kryen sulme të shumta
Forcat ruse kryen sulme të shumta në qytetin Dobropil’ në rajonin e Donetsk mbrëmjen e djeshme, duke shkaktuar viktima dhe dëme të mëdha. Gjithashtu janë dëmtuar rreth 30 automjete.
Zjarret kanë rënë në ndërtesa banimi dhe administrative, ndërsa gjatë operacionit të shuarjes së zjarrit, një tjetër sulm, me shumë gjasa nga dron, ka dëmtuar një makinë zjarrfikëse. Pavarësisht kërcënimit, zjarrfikësit vazhduan operacionet, duke shuar zjarret në 20 banesa dhe duke shuar tre zjarre më të mëdha.
Operacionet e shpëtimit janë duke u zhvilluar dhe autoritetet kanë frikë se mund të ketë më shumë viktima nën rrënoja.
