Ministri i Jashtëm polak Radoslaw Sikorski ka pranuar mundësinë e kërkimit të një alternativë ndaj rrjetit të komunikimit Starlink për Ukrainën pas një komenti nga CEO i SpaceX, Elon Musk, i cili zotëron sistemin.
“Nëse SpaceX provon të jetë një ofrues shërbimi jo i besueshëm, ne
do të duhet të kërkojmë të tjerë”, shkroi Sikorsky në rrjetin social X.
Më herët, Elon Musk postoi në X se sistemi i tij Starlink është “shtylla kurrizore e ushtrisë ukrainase”. “E gjithë linja e tyre e frontit do të shembet nëse e fikim”, ka shkruar Musk, i cili konsiderohet si një nga njerëzit më të afërt të presidentit amerikan Donald Trump. Në të njëjtin postim, Musk e quajti luftën në Ukrainë “një ngërç shumëvjeçar”, duke sugjeruar se Kievi është i paaftë për të fituar konfliktin. “Kushdo që me të vërtetë kujdeset, mendon dhe kupton, do të donte që ky mulli mishi të ndalonte,” shkroi Musk, duke e përfunduar tekstin me fjalët “PAQE TANI!!”
Më vonë, Ministri i Jashtëm polak Radoslaw Sikorski shkroi se “shërbimet e Starlink për Ukrainën paguhen nga Ministria Polake e Dixhitalizimit” dhe se kjo arrin në rreth 50 milionë dollarë në vit. “Edhe nëse lëmë mënjanë etikën e kërcënimit të një viktime agresioni, nëse SpaceX rezulton të jetë një ofrues jo i besueshëm, ne do të detyrohemi të kërkojmë të tjerë,” shkroi Sikorsky në X.
- Në shkurt 2025, Elon Musk e quajti të rreme informacionin nga Reuters, i cili citonte burime se Shtetet e Bashkuara mund t’i ndërpresin Ukrainës aksesin në internetin satelitor Starlink nëse negociatat për një marrëveshje mbi burimet natyrore dështojnë.
