Kur kritikat ndaj administratës Trump erdhën nga Izraeli, Boehler u përgjigj qartë, duke thënë se “Amerika nuk është agjente” e këtij vendi.
Ndërsa ai tha se “e kupton udhëheqjen izraelite”, Boehler shtoi gjithashtu se ai duhej të “fillonte negociatat që nuk kanë shkuar në drejtimin e duhur deri më tani” dhe se ai “pati biseda shumë të mira” me përfaqësuesit e Hamasit.
Kujtojmë se kontakti i drejtpërdrejtë midis SHBA-së dhe Hamasit u perceptua jashtëzakonisht keq brenda qeverisë izraelite dhe çoi në një “bisedë plot tension” midis ndihmësit më të rëndësishëm të kryeministrit izraelit Benjamin Netanyahu, Ron Dermer, dhe Boehler.
Edhe pse askush nga Izraeli nuk e kritikoi publikisht Boehlerin apo Trumpin, “prapa skenave” ata ishin jashtëzakonisht të zemëruar me udhëheqjen amerikane, e cila justifikonte gjithçka me faktin se mes pengjeve ishte edhe shtetasi amerikan Edan Alexander.
