Ministri i Kulturës, Rinisë dhe Sportit të Kosovës, Hajrulla Çeku, të hënën ka pritur karateistët që fituan medalje në Evropianin e Karatesë dhe nga Kampionati Ballkanik për Seniorë dhe Veteran.
Garuesit tonë në Kampionatin Evropian të Karatesë, fituan tri medalje, derisa nga Kampionati Ballkanik për Seniorë dhe Veteran karateistët tonë rrëmbyen shtatë medalje.
Ministri Çeku përmes llogarisë së tij në rrjetet sociale, ka thënë se viti 2025 ka nisur mbarë për sportin tonë.
“Viti ka nisur mbarë në sport
Plot energji e pozitivitet ishte sot takimi me karateistët që i sollën vendit 3 medalje nga Kampionati Evropian i Karatesë dhe 7 medalje nga Kampionati Ballkanik për Seniorë dhe Veteran. Krenari pa fund, Kosova jonë në hap me botën me të rejat dhe të rinjtë plot talent e vullnet”, ka shkruar Çeku.
