Shërbimi Federal i Sigurisë i Rusisë (FSB) tha sot se dy persona të lidhur me Ambasadën Britanike në Moskë janë urdhëruar të largohen nga vendi për aktivitete të inteligjencës, njoftoi agjencia shtetërore ruse e lajmeve TASS.
TASS citoi FSB-në të thoshte se të dy individët kishin dhënë qëllimisht informacione të pasakta për veten e tyre kur hynin në Rusi dhe se të dy shfaqnin, siç tha shërbimi i sigurisë, “shenja të aktivitetit të inteligjencës dhe sabotazhit” që kërcënonin sigurinë kombëtare ruse.
Ata duhet të largohen brenda dy javësh.
Dyshohet se bëhet fjalë për sekretarin e dytë të ambasadës dhe bashkëshortin e sekretarit të parë.
Ata duhet të largohen nga vendi brenda dy javësh, raportoi TASS.
Ministria e Jashtme ruse tha se kishte thirrur një përfaqësues nga Ambasada Britanike në Moskë.
