Shkruan: Halil GECI
Lumir “Arpagjiuku” dhe fjala e dhënë, hipokrizia e një lideri të dështuar
Lumir Arpangjiku u drejtohet publikut dhe votuesve të partisë së tij të re, duke u përpjekur t’i bindë se ai “e mban fjalën e dhënë”. Ai deklaron me vetëbesim: “Ju garantoj që qëndrimet tona paraelektorale do të jenë të njëjta edhe pas zgjedhjeve.”
I biri i Bajramit, Arpangjiku, po mundohet të na tregojë se paska ngjarë babait të tij, të cilin në PR e njohin si një burrë të “besës dhe fjalës”, një atdhetar të pa shoq. Por a është vërtet kështu?
Lumi na këshillon të mësohemi me respektimin e fjalës së dhënë publikisht, duke thënë se “nuk ka asgjë, asnjë skenar apo rrjedhë që mund ta ndryshojë pozicionin tonë politik.” Por ajo që nuk na tregon është se si në të vërtetë, brenda LDK-së, ata vidhnin njëri-tjetrin, duke luftuar fyt për fyt e dhëmbë për dhëmbë, jo për parime, por për pushtet dhe pasuri.
Hipokrizia është e qartë: një parti që për ma shumë se një dekada e gjysmë u mbajt me marrëveshje prapaskenash, me tradhti dhe me korrupsion, tani na flet për “fjalën e dhënë” dhe për “qëndrime të pandryshueshme”. Populli nuk është më naiv dhe nuk do ta pranojë këtë farsë!
Të gjithë liderët opozitarë po “refuzojnë” Kurtin por po e pranojnë Listën Serbe dhe minoritetet tjera për ta jetësuar tradhtinë!
Ky është një refuzim i rremë për ta justifikuar zhbërjen e Kosovës
Liderët opozitarë, me qëllimin e vetëm për t’u bashkuar me Listën Serbe dhe minoritetet e tjera, po e refuzojnë Kurtin. Pse? Sepse duan ta jetësojnë tradhtinë dhe pastaj t’ia shesin popullit si diçka të pashmangshme.
Plani i tyre është i qartë: të shkatërrojnë sovranitetin e Kosovës duke e legjitimuar Zajednicën – një projekt që nuk është tjetër veçse zhbërja e shtetit tonë. Dhe kur të vijë momenti për t’u arsyetuar, do të thonë: “Kështu tha Amerika, s’kishim çfarë të bënim.”
Por populli nuk do të mashtrohet më!
Ani, Lumir ani, refuzoni sa të doni! Se në zgjedhjet që po i shoh të afërta, nëse vazhdoni kështu, populli do t’ju refuzojë skajshmërisht me votë!
Abdixhik, mos na shit pordhë të ftohta! Je humbës, jep dorëheqje dhe liro kolosët ta mbajnë timonin. Mos i detyro rugovistët ta zënë derën e të ndjekin me hu gardhi!
