Shkruan: Skënder MULLIQI
Lëvizja për Republikën Shqiptare kishte një zanafillë të hershme nga grupet dhe individët të cilët nuk kursyen as jetën për Republikë. l tillë ishte edhe Ali Lajçi, i cili me shokët e vet vunë themelet e kësaj Republike. Unë pata fatin dhe nderin të njihem dhe ta kam mik, një njeri të dinjitetshëm, një njeri me bagazh të madh kombëtar. Aliu është i veçantë së e veçantë është edhe vepra e tij sublime për Atdhe dhe Komb. Prandaj, si për Aliun ashtu edhe për të gjithë individët dhe veprimtarët e të gjitha grupeve e organizatave dhe të të gjitha periudhave të angazhimit atdhetar e shoqëror duhet të tregohet jo vetëm konsideratë e respekt i përgjithshëm, por edhe njohje e ndërsjellët dhe e merituar shoqërore e publike për vetëflijim dhe sakrifica, në të mirë të atdheut e shqiptarëve. Aliu për veprimtarinë e tij patriotike mbajti burg 10 vjeçar në Serbi. Ali Lajçi udhëtoi në kahen e plotë të njerëzve të mëdhenj të kohës. Ndoqi rrugën e idealit dhe atdhedashurisë të atyre atdhetarëve më me zë në historinë kombëtare. Bashkë më shumë patriotë vuri bazat e Republikës të Kosovës. Ai do të udhëton pandalshëm për lirinë dhe pavarësinë e Kosovës nga Serbia okupatore. U tregua personalitet i fuqishëm në kohën më të vështirë për shqiptarët. Lëkundi themelet e ish-Jugosllavisë si prijës i demonstratave të vitit 1981. Qëndroi fortë dhe gjithmonë vertikalisht për të mbrojtur kauzën e drejtë në mbrojtje të dinjitetit të shqiptarëve të nëpërkëmbur me decenie nga Serbia. U bëri ballë të gjitha furtunave, u bëri balla maltretimeve më çnjerëzore të UDB-së në burgjet serbe dhe bashkëpunëtorëve të tyre në Kosovë dhe Serbi.
Që nga viti 2001 deri në vitin 2007 ai ka qenë Kryetar i Komunës së Pejës, ndërsa nga viti 2007 deri në vitin 2010 deputet i Kuvendit të Republikës së Kosovës. Ishte deputet në Kuvendin e Kosovës edhe nga radhët e LV. Për dy mandate sa e udhëhoqi Pejën, si pjesëtarë i LDK-së, ishte shembull i unitetit dhe menaxhimit shembullor.
Ishte kryetar i gjithë qytetarëve pa dallime partiake apo dallime të tjera, për çka ishte i nderuar dhe i respektuar nga të gjithë.
Lavdi jetës dhe veprës për Atdhe dhe Komb të të madhit, Ali Lajçi!
