Presidenti francez Emmanuel Macron paralajmëroi sot se Moldavia po përballet me përpjekje gjithnjë e më të drejtpërdrejta nga Rusia, të cilat ai tha se synojnë destabilizimin e vendit.
“Moldavia, hapësira ajrore e së cilës shkelet rregullisht nga dronët dhe raketat ruse, duhet gjithashtu të përballet me përpjekjet gjithnjë e më të hapura të Rusisë për ta destabilizuar atë”, tha Macron në një konferencë të përbashkët shtypi me presidenten moldave Maia Sandu në Paris, raportoi Guardian.
Sipas presidentit francez, institucionet demokratike në Moldavi janë veçanërisht në shënjestër.
