Presidenti ukrainas Volodymyr Zelensky konfirmoi se Ukraina ka pranuar propozimin e SHBA për një armëpushim 30-ditor, i cili do të mbulonte Detin e Zi dhe të gjithë vijën e frontit.
Pas një takimi të zyrtarëve të lartë amerikanë dhe ukrainas në Jeddah, Zelensky tha se delegacioni ukrainas kishte propozuar “heshtje në ajër dhe në det” si dhe “masa reale të ndërtimit të besimit”, duke përfshirë një shkëmbim të robërve të luftës.
“Pala amerikane i kupton argumentet tona dhe i pranon propozimet tona. Dua të falënderoj Presidentin Trump për konstruktivitetin e bisedimeve të ekipeve tona”, tha Zelensky.
Ai konfirmoi se propozimi për një armëpushim të plotë erdhi nga SHBA, dhe se Ukraina e konsideron atë pozitiv dhe është e gatshme ta ndërmarrë atë hap.
SHBA-të tani duhet të bindin Rusinë
Zelensky theksoi se SHBA-ja tani duhet të bindë Rusinë që të pajtohet me një armëpushim. “Një element kyç i takimit të sotëm ishte gatishmëria e Amerikës për të rinovuar ndihmën e mbrojtjes për Ukrainën,” shtoi ai.
“Ukraina është gati për paqe. Rusia tani duhet të tregojë nëse është gati t’i japë fund luftës apo ta vazhdojë atë. Është koha për të vërtetën e plotë,” tha ai.
