Gjatë një vizite zyrtare në Kosovë, Ambasadori Tahir Shabani u takua me kryetarin e Sindikatës së Pavarur të Minatorëve të Trepçës, z. Ibrahim Januzi. Gjatë takimit, Ambasadori Shabani u njoh nga afër me gjendjen e punës së minatorëve në këtë gjigant metalurgjik të Kosovës dhe sfidat me të cilat ata përballen.
Në një atmosferë miqësore dhe pritje të ngrohtë nga sindikalistët, u diskutua mbi mundësitë e bashkëpunimit mes Sindikatës së Minatorëve të Trepçës dhe sindikatave në Francë dhe Gjenevë, me fokus në përmirësimin e kushteve të punës dhe mbështetjen ndërkombëtare për këtë sektor jetik.
Ambasadori Shabani shprehu mirënjohjen për pritjen e ngrohtë dhe vlerësoi përkushtimin e minatorëve, duke theksuar rëndësinë e mbështetjes për këtë industri strategjike. /Kosovatimes/
