Bashkimi Evropian do të vendosë kundër-tarifa për mallrat nga Shtetet e Bashkuara me vlerë 26 miliardë euro ose 28 miliardë dollarë, duke filluar nga prilli, në përgjigje të tarifave amerikane për çelikun dhe aluminin, njoftoi sot Komisioni Evropian.
Komisioni tha se do të heqë pezullimin aktual të tarifave për produktet amerikane nga 1 prilli dhe se një paketë e re kundërmasash kundër mallrave amerikane do të paraqitet deri në mes të prillit, raportoi Reuters.
“Kundërmasat tona do të prezantohen në dy hapa, duke filluar nga 1 prilli dhe do të jenë plotësisht në fuqi nga 13 prilli. Jemi gati të angazhohemi në dialog. Kam ngarkuar komisionerin e tregtisë Maroš Šefčovič të rifillojë negociatat dhe të eksplorojë zgjidhje më të mira me SHBA”, tha presidentja e Komisionit Evropian Ursula von der Leyen.
