Shkruan: Gurakuç KUÇI
Dje, Sekretari i Përgjithshëm i NATO-s, Mark Rutte, deklaroi se mandati i NATO-s është që të sigurohet që Forca e Sigurisë së Kosovës (FSK) të jetë efektive në rolin e saj humanitar në Kosovë.
Në një kohë kur tensionet gjeopolitike janë të larta, Rutte, përtej rolit të tij si ushtarak, po luan qartë edhe rolin e diplomatit. Kjo vërehet në çdo takim dhe deklaratë publike të tij edhe për çështje tjera.
Por çfarë fshihet pas këtij diskursi “humanitar”?
Në korrik 2025, ndihmës sekretari amerikan i shtetit, James O’Brien, e tha qartë: Kosova ka të drejtë të mbrojë territorin e saj, ashtu si çdo vend tjetër! Tranzicioni i FSK-së drejt një force mbrojtëse territoriale multi-etnike dhe ndërvepruese me NATO-n është një proces transparent dhe në bashkëpunim të ngushtë me partnerët ndërkombëtarë. Kjo është një e drejtë legjitime, jo një kërcënim për fqinjët.
SHBA-ja e ka bërë të qartë se do të vazhdojë ta mbështesë këtë proces, sepse një Kosovë e mbrojtur është një rajon më i sigurt dhe më stabil.
Pra, realiteti është ky: Në Universitetet dhe Kolegjet mësohet lënda “E drejta humanitare”, por në thelb ajo përgatit kuadro për “Të drejtën në luftë”!
