Vesna Malishiq, kryeredaktore e `Radarit` ka thënë se ka marrë informacione nga disa gazetarë se një grup njerëzish nga Kosova kishin marrë pjesë në organizatën e Beogradit në sulmin e Banjskës.
Ajo në një intervistë për N1 në Serbi, duke folur për protestat në Serbi, ka deklaruar se Vuçiq po përpiqet të krijojë mundësinë e konfliktit para protestave të 15 marsit, për të vendosur gjendjen e jashtëzakonshme ose për të pasur një arsyetim për ndërhyrjen e policisë.
Malishiq më tej ka folur edhe për grupin e njerëzve që kanë marrë pjesë në sulmin e Banjskës, që, sipas saj ata janë anëtarë të njësisë shpërbërë të Njësisë për Operacione Speciale (JSO), të cilët tani janë prezentë në ‘Parku Pionier’.
“Vetë ardhja e tyre dhe ajo që simbolizojnë është ogurzi”. Ata janë një skuadër vdekjeje. Ata janë përgjegjës për vrasjen e katër personave në autostradën e Ibrit, për atentatin ndaj Vuk Drashkoviqit, për vrasjen e Ivan Stambolic, kryeministrit Gjingjiq, për të mos përmendur të gjitha gjërat e tjera që bënë në Bosnje”, tha Malishiq.
Ajo shtoi se ky është “një mesazh tmerrësisht i keq i dërguar nga ata që lejuan këta njerëz që paraqiten si pasardhës të JSO-së të shfaqen mes këtyre fëmijëve, që kinse duan të mësojnë.”
Sipas saj asnjë nga ato që kanë ndodhur ditët e fundit, duke përfshirë paraqitjen e NJOS-së, nuk është e rastësishme.
