Trupi i një burri të gjetur në një plazh në dhjetor ende nuk është identifikuar, ka thënë policia britanike.
Detektivët po bëjnë thirrje për ndihmën e publikut për të identifikuar një burrë, trupi i të cilit u gjet pak para orës 12:00 me orën lokale më 28 dhjetor të vitit të kaluar në plazhin Lilstock në Somerset. Trupi i burrit kishte qenë në ujë për një deri në pesë ditë.
Qytetarëve u kërkohet të raportojnë informacione të dobishme
Policia supozon se burri është me origjinë nga Kroacia ose Bosnja dhe Hercegovina, por nuk ka shpjeguar pse. “Ne jemi duke kryer hetime të gjera, duke përfshirë vlerësimet mjekoligjore dhe të ADN-së, për të provuar të identifikojmë njeriun, por ende nuk kemi qenë në gjendje ta bëjmë këtë,” tha inspektori George Pettingell.
Burri i paidentifikuar përshkruhet si i bardhë, me trup të madh, me kokë të rruar, nga 40 deri në 50 vjeç. Ai kishte veshur një xhaketë të zezë, pulovër të zi, pantallona të kuqe dhe atlete të zeza Nike kur u gjet.
“Ne po punojmë ngushtë me forcat fqinje dhe mjekun ligjor ndërsa përpiqemi të zbulojmë se kush ishte ai dhe të njoftojmë anëtarët e familjes”, tha Pettingell. Policia i ka kërkuar kujtdo që ka informacion që mund të ndihmojë në identifikimin e tij të dalë.
