Policia e Kosovës ka njoftuar se një grua ka vdekur si pasojë e një vetaksidenti në fshatin Domoroc të komunës së Ranillugut. Gjithashtu dy pasagjere janë lënduar, derisa janë dërguar për trajtim në Emergjencën e Spitalit në Gjilan.
“Rreth orës 10:00 në aksin rrugor të fshatit Domoroc-Hodonoc (Komuna Ranillug) ka ndodhur një vetaksident trafiku me fatalitet”, ka njoftuar policia.
Sipas njoftimit, në këtë vetaksident ka qenë e involvuar vetura Golf VII me targa 06, ku drejtuesja 23 vjeçare, si pasojë lëndimeve ka ndërruar jetë, ndërsa dy pasagjere kanë pësuar lëndime dhe janë transportuar në emergjencën e spitalit në Gjilan.
