Presidenti i Federatës së Futbollit të Kosovës, Agim Ademi, është nderuar me dy plaketa nga UEFA për kontributin dhe zhvillimin e projekteve madhore të futbollit në Kosovë, ka njoftuar FFK.
Sipas njoftimit, këto plaketa u ndanë nga Kryetari i Komitetit HatTrick të UEFA-s, Karl-Erik Nilsson, gjatë një mbledhjeje të mbajtur në Prishtinë.
“Plaketa e parë është ndarë për Kampin Nacional në Hajvali, një projekt i rëndësishëm për zhvillimin e talenteve të reja dhe ngritjen e cilësisë së futbollit në vend. Pllaketa e dytë është ndarë për selinë e FFK-së, e njohur si “Shtëpia e Futbollit””, ka njoftuar FFK.
Nilsson ka thënë se vlerësimi vjen pas punës së mirë dhe se Ademi është rasti i parë që merr dy paketa, duke nënvizuar se ky është konfirmim i menaxhimit të shkëlqyeshëm të FFK-së nën drejtimin e Ademit.
