Një burrë ka derdhur lëng mbi një grua në një tramvaj në Gjermaninë lindore dhe i ka vënë flakën, duke e lënë në spital me lëndime të rrezikshme për jetën.
Sipas informacioneve të policisë, ngjarja ka ndodhur në qytetin e Gerës dhe sulmuesi është arratisur.
Pasagjerët ndaluan tramvajin duke shtypur butonin e urgjencës dhe sulmuesi përfitoi nga rasti për të shpëtuar.
Drejtuesi i tramvajit ka nisur menjëherë shuarjen e flakëve dhe 46-vjeçarja është dërguar në spital me helikopter.
Ende nuk dihet se çfarë lloj lëngu është përfshirë, ndërkohë që policia është në kërkim të sulmuesit.
