ISH-Presidenti rus Dmitry Medvedev ka kërcënuar me luftë kundër NATO-s nëse vendet evropiane vazhdojnë të këmbëngulin në planet e tyre për të dërguar forca paqeruajtëse në Ukrainë.
Presidenti francez Emmanuel Macron dhe kryeministri britanik Keir Starmer “po luajnë memec”, shkroi Medvedev, i cili shërben si zëvendëskryetar i Këshillit të Sigurimit Rus, në Twitter. “Atyre u thuhet vazhdimisht se paqeruajtësit duhet të jenë nga vendet jo anëtare të NATO-s,” shkroi ai. “Ju dëshironi t’i jepni ndihmë ushtarake neonazistëve në Kiev. Kjo do të thotë luftë me NATO-n. Konsultohuni me Trump, bastardë,” shtoi ai.
Starmer propozoi krijimin e një “koalicioni të të gatshëmve” për të dërguar forca paqeruajtëse në Ukrainë për të siguruar një armëpushim të mundshëm. Ukraina ka rënë dakord me një propozim të SHBA-së për një armëpushim 30-ditor, nëse Moska bie dakord. Rusia, megjithatë, kundërshton një armëpushim pa kushte. Kremlini ka shprehur preferencën e tij për t’u angazhuar në negociata të drejtpërdrejta me Shtetet e Bashkuara, duke anashkaluar Ukrainën dhe vendet evropiane.
