“Është formuar edhe një grup pune, i cili sot mbajti mbledhjen e parë për hartimin e ligjeve që do të rregullojnë punën e policisë kufitare në territorin e Republikës Srpska. Korniza ligjore mbi të cilën po punon Grupi Punues do të jetë ekskluzivisht në përputhje me Marrëveshjen e Dejtonit dhe Aneksin 2 të saj”, tha Dodik.
Ai thekson se nga viti 1996 deri në vitin 2000, kontrolli kufitar është kryer nga policia e entitetit, por se më 13 janar 2000, Përfaqësuesi i Lartë i atëhershëm Wolfgang Petritsch ka nxjerrë një vendim për krijimin e Shërbimit Shtetëror Kufitar të Bosnjë-Hercegovinës.
“Me këtë rast, pasdite do të mbahet një seancë e mbyllur e Qeverisë së Republikës Srpska, e cila do të shqyrtojë edhe çështje të tjera të situatës së përgjithshme politike dhe të sigurisë në RS dhe BeH. Në seancë do të marrin pjesë presidenti i RS Milorad Dodik dhe kryetarja e Presidencës së BiH Zheljka Cvijanoviç”, thuhet në njoftimin e Dodik’.
