Kreu i AAK-së, Ramush Haradinaj, ka ngushëlluar ish-presidentin Hashim Thaçi dhe familjen e tij për humbjen e babait, Haxhi Thaçit.
“Baca Haxhi e mbylli jetën duke lënë pas një histori të tërë sfidash e sakrificash, por ndarja e tij vjen në një moment edhe më të rëndë për familjen Thaçi. Në këtë ditë zie, familja Thaçi po përballet jo vetëm me humbjen e njeriut të tyre të dashur, por edhe me mungesën e Hashimit, i cili, me bashkëluftëtarët e tjerë, po mbron luftën e shenjtë të UÇK-së në Hagë”, ka shkruar Haradinaj.
Ai ka thënë se qëndron krahë bashkëluftëtarit Thaçi dhe familjes së tij.
