Luka Misetic, avokati i ish-presidentit Hashim Thaçi, ka thënë se dje ka bërë kërkesë para orës 14:00, që Thaçi të mund të marrë pjesë në varrimin e sotëm të babait të tij.
“Kam marrë shumë pyetje mediatike sot në lidhje me një deklaratë të ‘Speciales’, sot në mëngjes duke sugjeruar që klienti im, Hashim Thaçi, nuk ka bërë asnjë kërkesë për të marrë pjesë në varrimin e babait të tij. Thaçi ka bërë kërkesë dje para orës 14:00 për të marrë pjesë në varrimin e sotëm. Zoti Thaçi nuk do të marrë pjesë në varrimin e sotëm. Nuk do të kem asnjë koment të mëtejshëm për momentin”, ka shkruar ai në ‘X’.
