Auditorja e përgjithshme, Vlora Spanca mbajti konferencë për media, ku prezantoi planin vjetor të auditimit 2024/2025, si dhe gjetjet kryesore të dy raporteve të auditimit të performancës dhe një auditimit të pajtueshmërisë.
Lidhur me auditimin “Efikasiteti dhe efektiviteti në procesin e ndërtimeve të larta në Komunën e Prishtinës”, Spaca tha se në këtë proces komuna e Prishtinës nuk ishte efikase.
“Konkluzioni i përgjithshëm është se rezultatet auditimit kanë treguar se Komuna e Prishtinës gjatë periudhës 2021-2023, nuk ishte efikase as efektive në procese nga lëshimi i lejeve të ndërtimit të pajisja me certifikata të përdorimit. Ka mungesë të kontrolleve gjatë lëshimit të kushteve ndërtimore, trajtim jo të barabartë të kërkesave për leje ndërtimore, mungesë të inspektimeve të mirëfillta dhe të rregullta si dhe mekanizmi për pajisje me certifikatë të përdorimit nuk është efektiv”, theksoi Spanca.
Spanca prezantoi edhe gjetjet kryesore sa i përket auditimit të “Efikasiteti në realizimin e projektit ‘Rehabilitimi i Linjës 10 Hekurudhore Hani i Elezit – Leshak”.
“Konkluzioni ynë i përgjithshëm është se, Infrakos së bashku me Ministrinë e Mjedisit, Planifikimit Hapësinor dhe Infrastrukturës si dhe Ministrinë e Ekonomisë nuk ishin efikase në planifikimin dhe menaxhimin e projektit për Rehabilitimin e Hekurudhave të Linjës 10. Akterët relevant për realizimin e këtij projekti nuk kanë qenë të përfshirë në mënyrë të vazhdueshme në gjithë procesin”, tha ajo.
Kurse për auditimin e tretë të kryer për vlerësimin e pajtueshmërisë me Kontratën ”Mirëmbajtja dhe Riparimi i Infrastrukturës në Deponitë Sanitare dhe Stacionet e Transferit të KMDK-së, Spanca shtoi se Kompania nuk ka arritur të bëj menaxhimin e kontratës sipas kërkesave ligjore.
Po ashtu, Spanca njoftoi se në fushën e performanës janë parapa gjithsejtë 16 auditime. Ndër to për: “Furnizimi me barna për shëndetësinë primare dhe sëmundjet e rralla”, “Menaxhimi i lejeve të ndërtimit në Fushë Kosovë“, “Ndërtimi i sheshit së bashku me nënkalimet dhe parkingun nëntokësor në qytetin e Malishevës” etj.
ZKA-ja ka bërë të ditur se deri në gusht të vitit 2025 pritet të kryejnë dhe publikoi 139 auditime.
