Rusia dhe Ukraina zhvilluan një shkëmbim të robërve të luftës, në të cilin u liruan 175 robër lufte nga secila anë. Kjo është bërë e ditur nga agjencitë e lajmeve, duke cituar një deklaratë të Ministrisë së Mbrojtjes së Rusisë.
Sipas kësaj deklarate, 22 ushtarakë të Forcave të Armatosura të Ukrainës të plagosur rëndë që kanë nevojë për kujdes urgjent mjekësor u transferuan gjithashtu në Ukrainë “si një gjest vullneti të mirë”.Shkëmbimi, i cili u njoftua nga Kremlini pas një bisede telefonike mes presidentëve amerikanë dhe rus, Donald Trump dhe Vladimir Putin, u krye me ndërmjetësimin e Emirateve të Bashkuara Arabe, tha ministria ruse në një deklaratë.
