Me reduktimin e përqindjes së shtesës mbi përvojën e punës, Kuvendi ka shkelur të drejtat e mbi 90 mijë zyrtarëve publikë. Kështu u tha në publikimin e një raporti nga Instituti i Kosovës për Drejtësi.
Sipas pjesëmarrësve, nëse Kuvendi nuk vepron, atëherë zyrtarët kanë të drejtë të kërkojnë kompensim përmes gjykatës.
“Nëse ky aktgjykim i gjykatës kushtetuese nuk zbatohet nga ana e Kuvendit, atëherë gjyqësori rrezikon që të vërshohet nga 90 mijë lëndë të reja. Në bazë të një kalkulimi të përgjithshëm, shpenzimet procedurale në këtë rast për buxhetin do të kushtojnë rreth 35 milionë euro pa i llogaritur kamatën ligjore dhe shpenzimet e mundshme përmbarimore”, ka thënë Gëzim Shala, menaxher i programeve në IKD.
“Ne kemi vendos padi brenda raportit, tashmë kur po bëhet publike, mund të iniciativë padi zyrtarët publik, por ato, në mënyrë që ta shpëtojmë sistemin e drejtësisë, në kuptimin që mos të ngarkohet dhe të mos vërshohet nga mbi 90 mijë lëndë, atë do ta shohim në bazë të disa konkluzave që pas konstituimit të Kuvendit ta dërgojnë deputetët të nisen ndryshimi i ligjit për paga në mënyrë që mos të vërshohet sistemi i drejtësisë me padi”, ka thënë në anën tjetër, Naim Jakaj, hulumtues në IKD.
Përfaqësuesit nga opozita thanë se Kuvendi i kaluar nuk ka qenë funksional.
