Dy herë kampionia olimpike e notit dhe anëtarja e Bordit Ekzekutiv të IOC, Kirsty Coventry, është zgjedhur Presidentja e re e Komitetit Olimpik Ndërkombëtar. Ajo do të jetë presidentja e dhjetë në historinë e organizatës. Ajo aktualisht shërben si Ministre e Sporteve në Zimbabve.
Coventry, 41 vjeç, është gruaja e parë dhe afrikania e parë që drejton IOC. Ajo u bë kreu më i ri i organizatës në histori, pas themeluesit të komitetit, Pierre de Coubertin.
Coventry do të marrë zyrtarisht postin më 23 qershor 2025, kur të përfundojë mandati i Thomas Bach. Presidenti i IOC-së zgjidhet për një mandat 8-vjeçar dhe ka të drejtë të zgjidhet për një gjysmë mandati tjetër.
