Të paktën 21 persona janë vrarë dhe 6,419 janë plagosur gjatë festimeve të festivalit të zjarrit “Chaharshanbe Suri” të Iranit.
Festimet e festivalit nisën mbrëmë me zjarre, mjete piroteknike, madje edhe mjete shpërthyese të bëra vetë. Pavarësisht paralajmërimeve nga policia se do të përdornin dron për të monitoruar përdorimin e eksplozivëve, në incidente janë regjistruar vdekje të shumta.
Çdo vit një seri aksidentesh
Shërbimet mjekësore të urgjencës të Iranit thanë se 21 vdekje ishin regjistruar në të gjithë Iranin dhe 6,419 njerëz të plagosur kishin kërkuar ndihmë mjekësore. Në mesin e të plagosurve, 18 persona janë në gjendje të rëndë dhe shumica e incidenteve janë regjistruar në Teheran, Azerbajxhanin Lindor dhe Perëndimor.
Chaharshanbe Suri festohet të mërkurën e fundit në mbrëmje para Nevruzit, Viti i Ri Persian që shënon ardhjen e pranverës.
E njohur në mesin e fëmijëve dhe të rinjve, ngjarja përfshin kërcimin mbi zjarr, fishekzjarrë dhe prodhimin e eksplozivëve të bërë vetë, gjë që shpesh shkakton aksidente të rënda. Çdo vit, festimet dhe përgatitjet rezultojnë në dhjetëra vdekje dhe mijëra të plagosur në të gjithë Iranin.
