Policëve të dyshuar për vepër penale kundër sigurisë publike në lidhje me zjarrin në Koçan u është caktuar masa e paraburgimit prej 30 ditësh, raportojnë mediat maqedonase.
Të dyshuarit si zyrtarë në Drejtorinë e Punëve të Brendshme të Shtipit dhe Stacionin Policor të Koçanit si bashkëkryerës, me përgatitjen, nënshkrimin dhe dhënien e pëlqimit pozitiv i kanë mundësuar personit juridik marrjen e licencës për operim të kateringut – kabare, edhe pse objekti nuk i plotësonte kushtet ligjore për operim,
transmeton Al Jazeera .
Të dyshuarit së bashku kanë shkaktuar rrezik të konsiderueshëm për jetën dhe gjymtyrët duke lejuar që kabareja të funksionojë në kushte jo të mira, gjë që ka rezultuar në një zjarr në objekt më 16 mars të këtij viti, ku 59 persona kanë humbur jetën dhe 196 kanë pësuar lëndime të rënda fizike.
Paraprakisht u raportua se në lidhje me zjarrin në Koçan janë arrestuar 17 persona.
Varrimi i viktimave do të bëhet në ora 11:00 në Shtip, në 12:00 në Koçan dhe në 13:00 në fshatin Obleshevë, ndërsa varrimi në vendet tjera ku ka vdekur i ndjeri do të bëhet në orare të ndryshme,
transmeton Radio Evropa e Lirë .
Anëtarët e grupit DNK që humbën jetën nga zjarri do të varrosen në Shkup dhe Strumicë. Këngëtari i grupit Andrej Gjorgjieski do të varroset në varrezat e qytetit të Butelit, ndërsa anëtarja e grupit dhe profesoresha në Fakultetin e Arteve Muzikore (FMU), Sara Projkovska do të varroset në varrezat e Lisiçes. Varrimi i muzikantit të ri nga Strumica, bateristi i grupit, Gjorđi Đorđijev, do të bëhet në varrezat e qytetit në Strumicë.
