Liderët e BE-së, me kërkesë të Kroacisë, diskutuan situatën në Ballkanin Perëndimor dhe i kërkuan Këshillit Evropian që ta trajtojë këtë çështje në prill të këtij viti.
Gjatë takimit të Këshillit Evropian në Bruksel, liderët e BE-së miratuan konkluzionet për Ukrainën, Lindjen e Mesme, konkurrencën, mbrojtjen dhe sigurinë evropiane, kuadrin e ardhshëm financiar shumëvjeçar, migracionin, oqeanet, multilateralizmin, si dhe çështje të tjera, duke prekur shkurtimisht Ballkanin Perëndimor.
“Këshilli Evropian diskutoi situatën në Ballkanin Perëndimor dhe e ftoi Këshillin që ta trajtojë këtë çështje në prill 2025”, thuhet në pjesën e konkluzioneve që kanë të bëjnë me çështje të tjera.
