Tre persona u vranë dhe 15 u plagosën nga të shtënat masive që ndodhën sot në shtetin amerikan të New Mexico, njoftuan autoritetet lokale.
Të shtënat kanë ndodhur në një park në qytetin e Las Cruces rreth orës 22:00 me orën lokale, njoftoi policia e Las Cruces në mediat sociale.
Askush nuk është arrestuar, por policia thotë se ata “po ndjekin në mënyrë aktive pista të shumta”.
Policia tha se dy 19-vjeçarë dhe një 16-vjeçar u vranë nga të shtënat. Të shtënat thuhet se kanë ndodhur në një takim të entuziastëve të makinave sportive të modifikuara.
