Presidenti i FFK-së, Agim Ademi, është shprehur tejet i lumtur që Kosova është kualifikuar në Ligën B të Ligës së Kombeve.
Dardanët triumfuan sonte edhe në sfidën kthyese kundër Islandës (1-3), në Murcia të Spanjës, duke prekur Ligën B në Ligën e Kombeve.
Ademi pas ndeshje për faqen zyrtare të FFK-së tha se e gëzon fakti që ekipi tregoi karakter në një ndeshje të tillë vendimtare.
“Një ndenj e papërshkrueshëm dhe ndeshje e jashtëzakonshme. Ndeshje vendimtare dhe këtu më gëzon fakti që ekipi ynë në ndeshje vendimtare e tregon karakterin e tij siç e bën sot. Është një ndeshje që neve na e realizon pothuajse gjithë mundimin e deritashëm për faktin që Kosova për shtatë vjet kalon tri liga, nga D ku ka nisur në C dhe tani B”, ka Ademi.
Ai ka përgëzuar trajnerin Franco Foda për punën dhe sukseset, por më së shumti lojtarët që sipas Ademit dhanë gjithçka.
“Uroj Fodën për punën e tij dhe stafit të përgjithshëm të ekipit tonë kombëtar, por futbollistët më së shumti që dhanë gjithçka për këtë ndeshje. Sot të gjithë e kuptuan se Kosova ka karakter, kualitet dhe bëhet punë në Kosovë. Uroj kombëtaren tonë, të gjithë Kosovën dhe tifozët Dardanët për këtë të arritur”, ka theksuar Ademi.
