Mijëra njerëz në rrugët e Stambollit, policia përleshet me demonstruesit: “Nuk do të përkulemi kurrë”

Protestat masive në Stamboll, të cilësuara si një nga protestat më të mëdha në Turqi në dekadën e fundit, kanë vazhduar edhe sonte.

Protestuesit janë mbledhur për të pestën ditë që kur kryetari i bashkisë së Stambollit Ekrem Imamoglu u arrestua me akuzën për korrupsion dhe ndihmë të grupeve terroriste.

Imamoglu është një figurë kyçe e opozitës dhe ndalimi i tij erdhi disa ditë përpara se ai të shpallej kandidat për zgjedhjet presidenciale të vitit 2028.

Ndërkohë, atij i është caktuar masa e paraburgimit dhe është pezulluar përkohësisht nga posti i kryetarit.

Demonstratat ishin kryesisht paqësore dhe policia u përlesh disa herë me njerëzit këtë mbrëmje, duke përdorur sprej piper dhe topa uji.BBC raporton se mijëra njerëz dolën sonte në rrugët e Stambollit, ndërkohë që shifrat zyrtare për numrin e të pranishmëve nuk dihen aktualisht.

Imamoglu ndau një video të protestës me disa fjali:

“Ne qëndrojmë tani, nuk do të përkulemi kurrë… Ajo kuti do të vijë, populli do t’i japë kësaj qeverie një shuplakë që nuk do ta harrojë kurrë.

Presidenti turk Rexhep Tajip Erdogan dënoi protestat dhe akuzoi Partinë Popullore Republikane (CHP) se po përpiqet të “turbullojë paqen dhe të polarizojë njerëzit”.