Një festë e 16-vjetorit në Londër përfundoi me një sulm të një grupi të rinjsh me thika, duke plagosur dy adoleshentë.
Policia ka arrestuar tre adoleshentë pas një incidenti në shkollën fillore Elm Park në Havering, Essex, i cili ndodhi të shtunën mbrëma.
Rreth 50 të rinj kanë sulmuar sallën e shkollës rreth orës 21:00, pas së cilës kanë shpërthyer përleshjet që kanë zgjatur deri në orën 23:00.
Një 19-vjeçar dhe një djalë 16-vjeçar janë dërguar në spital me plagë jashtë rrezikut për jetën.
Sulmuan edhe oficerët e policisë
Policia e Londrës deklaroi se janë sulmuar edhe oficerët e tyre.
Nëna e vajzës 15-vjeçare, e cila përfundoi në spital, tha për mediat lokale: “Ajo shkoi në një festë që thuhej se kishte siguri, por nuk kishte asnjë dhe gjithçka shkoi keq”.
“Policia u thirr pak pas orës 21:00 të së shtunës, 22 mars, në një përleshje ku përfshihej një grup i madh të rinjsh. Kur oficerët mbërritën, disa adoleshentë u bënë agresivë ndaj tyre. Tre u arrestuan për sulm. Oficerët u trajtuan në vendngjarje pa pasur nevojë për shtrimin në spital”, tha një zëdhënës i policisë.
Hetimi është në vazhdim.