Autoritetet turke kanë arrestuar nëntë gazetarë që po mbulonin protestat në disa qytete gjatë natës kundër arrestimit të kryebashkiakut të Stambollit Ekrem Imamoglu, njoftoi Sindikata e Gazetarëve Turk.
Ende nuk është e qartë pse u arrestuan gazetarët.
Një gjykatë turke burgosi të dielën kryebashkiakun e Stambollit Imamoglu, një rival kryesor politik i presidentit Tajip Erdogan, në pritje të gjyqit për akuzat për korrupsion, një veprim që shkaktoi protestat më të mëdha të vendit në më shumë se një dekadë.
Pavarësisht ndalimeve të tubimeve në rrugë në shumë qytete, protesta kryesisht paqësore antiqeveritare u mbajtën për natën e pestë radhazi të dielën.
Qeveria mohon se hetimet janë të motivuara politikisht.
Partia kryesore e opozitës, Partia Popullore Republikane (CHP) po bën thirrje për protesta kundër vendimit të gjykatës për Imamoglu, të cilin ata e përshkruajnë si të politizuar dhe jodemokratik.
Qeveria mohon se hetimet janë të motivuara politikisht dhe thotë se gjykatat janë të pavarura.
Imamoglu ka mohuar akuzat me të cilat përballet, duke i hedhur poshtë ato si “akuza dhe shpifje të paimagjinueshme” dhe ka bërë thirrje për protesta mbarëkombëtare.
Duke iu drejtuar protestuesve në lagjen Sarachane të Stambollit jashtë ndërtesës së bashkisë, kreu i CHP-së Ozgur Ozel tha të dielën se ata do të vazhdojnë protestat derisa Imamoglu të lirohet.
Midis gazetarëve të arrestuar është një fotograf nga agjencia France Presse (AFP), njoftoi sindikata e gazetarëve në Xu.
