“Vaj Ulliri VALMI Elbasan” është zyrtarisht i çertifikuar nga Bashkimi Europian me Treguesin Gjeografik të Mbrojtur, duke hyrë kështu në elitën e produkteve që gëzojnë mbrojtje në 73 vende të botës përmes sistemit ndërkombëtar WIPO/Lisbon!
Ministrja e Bujqësisë dhe Zhvillimit Rural, Anila Denaj bëri të ditur sot se ky çertifikim është një garanci për cilësinë, origjinën dhe autenticitetin.
”Është një fitore për Shirgjanin dhe Elbasanin si dhe një vlerësim për punën e palodhur të fermerëve tanë dhe një pasaportë për “Valmin” drejt tregjeve ndërkombëtare”, shtoi ajo.
Ky hap i madh, sipas saj, u bë i mundur nga Federata Bujqësore Elbasan.
