Shkruan: Skënder MULLIQI
Secili diktator nuk dëshiron kurrë të largohet nga pushteti. Edhe Vladimir Putin hyn në këtë mes. Diktatorët përdorin çdo metodë dhe mjet për të mbetur në pushtet. Metodat e tyre janë fatkeqe se pari për popullin e vet, dhe pastaj edhe për popujt të tjerë. Lufta Putinit po i shërben për të forcuar pozitën në pushtet, duke larguar vëmendjen e popullit nga problemet e shumta të grumbulluara edhe ato të luftës. Lufta Putinit i hyn në funksion edhe për të homogjenizuar kombin, dhe për frikësuar publikun e gjerë më mjetet e propagandës, duke thelluar psikozën e luftës si mjet për jetëgjatësi të pushtetit. Diktatorët dëshirojnë luftë deri atëherë sa ajo të jetë e dobishme për ta, sikur që pranojnë paqen kur t’ju plotësohen të gjitha synimet e parashtruara. Të tillë diktator bota mban mend më bollëk, të cilët janë larguar dhunshëm nga pushteti duke lënë pas viktima të shumta njerëzore dhe materiale. Pse të ndalë luftën shtrohet pyetja logjike Putin? Sepse po i krijohen kushtet për mos të bërë këtë punë. Presidenti amerikan Donald Trump i është bërë aleat, i cili duke kërkuar paqen e njëanshme po ja shton apetitet për vazhdimin e luftës. Trump më duket së bëri gabim që koketoj më Putinin, pa vu ende kontakte për paqe, të cilat kanë filluar të zhvillohen në mes të delegacioneve të Amerikës dhe Rusisë në Arabin Saudite. Putin duke i shfrytëzuar bisedimet po sforcon me sulme të fuqishme ndaj Ukrainës, edhe pse forcat ushtarake të Zelenskit i kanë shkatërruar deri me tash shumë rafineri ruse të naftës dhe kanë vrarë më mijëra ushtarë rusë. Putin vështirë të besohet së do të ndalë luftën pa ju plotësuar të gjitha kushtet, së përndryshe ai do të mbetej një diktator i humbur. E vetmja mbështetje e madhe në armatim i mbeten ato bërthamore për çka edhe po kërcënon botën perëndimore më luftë. Diktatori rus nuk mendon ne paqe deri sa mundet më mbajt luftën. Ai bënë luftë që nga viti 1999.Dhe, ky e kam thënë edhe ne disa shkrime, se po ti jepet mundësia do të angazhohet për pushtime të reja. Putin kishte deklaruar së “shkatërrimi i Bashkimit Sovjetik ishte katastrofa më e madhe gjeostrategjike e shekullit 20-të, duke shtuar se invazioni ushtarakë në Ukrainë do të jetë kthim në vitet e 90-ta”.Zatën edhe nga ky kënd duhet shikuar luftën që po e zhvillon Rusia më pretendimet hegjemoniste të kthimit të Perandorisë Ruse. Shtetet e BE-së në anën tjetër janë të bindura së Putin nuk mendon të ndalon në Ukrainë, por dëshiron një rend të ri botëror ku Rusia do të zënë vend krahas Uashingtonit dhe Pekinit. Dhe, është shumë shqetësuese deklarimi i Donald Trump i cili thotë se “Rusia meriton territoret e okupuara, sepse për këto territore kanë vdekur shumë ushtarë rus”, duke abstrahuar viktimat e shumta në njerëz dhe shkatërrimet që bëri Rusia mbi Ukrainën sovrane. Se bota do të hynë në një fazë të re për paqe apo lufte, do të tregon shpejtë koha.
