Policia e Kosovës ka njoftuar se në një aksion të koordinuar nga Njësiti për Ndërlidhje me Gjykata dhe Sektori i Hetimeve të Stacionit Policor në Rahovec, janë arrestuar dy persona të shpallur në kërkim për veprat e tyre penale.
I dyshuari E. S., i dënuar për veprën penale “Sulm” me një dënim prej 1 viti e 10 muajve burgim, u arrestua në vendbanimin e tij në Rahovec. Ndërkohë, i dyshuari L. K., i dënuar për “Falsifikimi i parave” dhe “Mbajtja në pronësi, kontroll ose posedim i paautorizuar i armëve”, me një dënim prej 10 muajve burgim, u arrestua në fshatin Xerxë.
Të dy të dyshuarit janë dërguar në vuajtje të dënimit.
Drejtoria Rajonale e Policisë në Gjakovë ka theksuar se mbetet e përkushtuar për zbatimin e ligjit dhe sjelljen para drejtësisë të të gjithë personave të dënuar.
