Blloku opozitar duhet të arrij marrëveshje për formimin e Qeverisë duke i dhënë LDK-së postin e Kryeministrit

Shkruan: Safet KRIVAÇALidhja Demokratike e Kosovës (LDK) duhet të reflektojë karshi gjendjes së ngrirë politike në vend, me sjellje pragmatike në drejtim të zhbllokimit të krizës politike që po futet shteti.Është e papranueshme kokëfortësia si „parim“ justifikimi se kjo parti nuk e ka marrë dritën e mjaftueshme votuese për të krijuar qeveri, mekanizma dhe organe institucionale dhe nga kjo pozitë duhet zgjedhur staus cuonë politile si opsion.LDK e ka të qartë se pa të si forcë politike, nuk mund të ndërtojë qeverinë opozita dhe një subjekt politik i cili ka fuqinë e ndërtimit të institucioneve shtetërore për ta larguar Kurtin e dështuar nga pushteti dhe sillet me oportunitet duke qenë e gatshme të kyçet në marrëveshje ndërpartiake, vetëm me kushtin e pasjes së Kryeministrit për vete duke qenë e treta, është lojë me elektoratin dhe votuesit qė e kanë votuar kaq sa e kanë votuar për ta mirën e shtetit.LDK ka qenë shumë e zëshme dhe kritike ndaj dështimeve dhe gabimeve të Kurtit dhe si parti e vlerave duhet t‘i jep vendit institucione të dobishme, ashtu sikur edhe partitë tjera.Kreu i kësaj partie, duhet të jetë i qartë kah po e mobilizon veprimin politik duke reflektuar përgjegjësi ndaj votueseve dhe elektoratit në formimin e institucioneve të shtetit në një qeveri stabile, sepse LDK ka kuadro profesionale për t‘i dhënë orientim shtetit të Republikës së Kosovës.Nëse partia e Abdixhikut qëndron statike ,duke shprehur viktimizim se nuk e mori verdiktin votues nga populli, prandaj duhet të vazhdoj opozitarizmin, kërkesa për të qenë me bllokun opozitar vetëm nëse i jepet kryeministri, është tregues i qartë se kreu i saj po manovron për kalkulime kudo që shfaqet mendësia.Matematikat e kreut të kësaj partie me ish anëtarët e vet duke u nisur nga lidhjet me Presidenten duket se janë ende aktive dhe të qëndrueshme dhe meqë në prill duhet zgjedhur Presidenti(ja), të shpresohet në diçka më shumë nuk është reale.LDK duke qëndruar pasive aktualisht, mund të shpreh mosseriozitetin e vet karshi elektoratit të saj, me çka mund ta dobësojë pozitën, nëse shkohet në zgjedhje të reja, duke e avulluar mundësinë të ndikojë në formimin e Qeverisë me bllokun opozitar për të pasur në pronësi aq sa ka marr besimin qytetar.Blloku opozitar tek e fundit duhet të arrij marrëveshje pë formimin e Qeverisë së re çoftë edhe duke i dhënë LDK-së kryeministrin, sepse nuk është hera e parë që i dyti dhe i treti kanë ardhur në krye të qeverisë edhe me më pak përqindje votash.Opozita pa dallim e ka obligim ta formojë qeverinë për ta rritur mirëqenien qytetare, për të stopuar trendin e inflacionit ekonomik dhe rritjen enorme të çmimeve.Opozita duhet të bashkohet për të mirën e popullit e jo për të luftuar për pozita dhe përfitime personale e partiake.