Milorad Dodik është thirrur të paraqitet në Prokurorinë e Bosnjë-Hercegovinës si i dyshuar në lidhje me blerjen e një vile në Dedinje, konfirmohet për Klix.ba. Mënyra e blerjes së kësaj rezidence në Beograd ka qenë e diskutueshme që nga viti 2007.Edhe pse afera për blerjen e një vile në Beograd është harruar, çështja është ende aktive dhe hetimet janë intensifikuar muajt e fundit.
Portali Istraga raporton se ftesa është dërguar për datën 2 prill. Presidenti i RS u mor në pyetje në këtë rast në mars të vitit 2022, por kundër tij nuk mund të ngrihet aktakuzë derisa të merret në pyetje për të gjitha rrethanat që e ngarkon Prokuroria e BeH.
Në këtë rast, Dodik dyshohet për veprën penale të pastrimit të parave në lidhje me veprat penale të pranimit të dhuratave dhe formave të tjera të përfitimit dhe shpërdorimit të pozitës.
Rasti është regjistruar si “Pavlović Bank”, e cila ka më shumë se gjashtë vjet që pret epilogun e saj të vërtetë. Bëhet fjalë për një rast që ka të bëjë me një vilë në lagjen Dedinje në Beograd, të cilën Dodik e ka blerë më 14 maj 2007 për 750 mijë euro.
Edhe pse pretendonte se vilën e kishte paguar me para nga një kredi, rezultoi se ai vetëm një vit më vonë, më 27 qershor 2008, kishte marrë një kredi nga Banka Pavlović, gjë që ngriti dyshime të arsyeshme se kredia shërbente si kolateral.Madje Dodik e vërtetoi kërkesën për hua me vulën e qeverisë së RS, të cilën ai e drejtonte si kryeministër në atë kohë.
Pronari i Pavlović Bank, Slobodan Pavlović, i cili mbeti i vrarë në një aksident trafiku në Amerikë, pas miratimit të kredisë kontestuese, ka marrë vetë një kredi nga Banka për Investime dhe Zhvillim të RS në vlerë prej pesë milionë KM.
Dodik dyshohet se ka paguar këstin për kredinë e diskutueshme në shumën prej pak më shumë se 9 mijë KM në para të gatshme dhe paratë i ka sjellë një shofer, i cili gjithashtu në deklaratën e tij në Prokurorinë e BeH-së dyshohet se ka thënë se “nuk i ka numëruar paratë”, por i ka sjellë në bankë “të paketuara”.
Vila në Dedinje ishte marrë me qira nga Ambasada e Izraelit, por ata e liruan pronën më 1 janar 2018.
Vila ka nje siperfaqe prej 341 m2, ka nje garazh 45 m2 dhe dhoma ndihmese 63 m2, dhe nje truall ngjitur me pallatin me siperfaqe mbi 350 m2. Ndodhet në rrugën Vaska Papa 16 në Beograd.
Vila, e cila është ndërtuar në vitin 2005, vlerësohej nga eksperti 1,260,000 euro.
