Ukraina dhe udhëheqësit evropianë kanë akuzuar presidentin rus se po përpiqet të zgjasë bisedimet e armëpushimit pa ndonjë qëllim serioz për t’i dhënë fund luftimeve.
Pushtimi rus i Ukrainës la qindra mijëra të vdekur dhe të plagosur, zhvendosi miliona njerëz, rrënoi qytetet dhe shkaktoi konfrontimin më të ashpër midis Moskës dhe Perëndimit.
Propozimi i Putinit për një administratë të përkohshme dukej se adresonte ankesën e tij të gjatë se autoritetet ukrainase nuk ishin një partner legjitim negociues, sepse Presidenti Volodymyr Zelensky mbeti në pushtet pas përfundimit të mandatit të tij në maj 2024.
“Në parim, sigurisht, një administratë e përkohshme mund të futet në Ukrainë nën kujdesin e OKB-së, Shteteve të Bashkuara, vendeve evropiane dhe partnerëve tanë”, tha Putin.
“Është e nevojshme të zhvillohen zgjedhje demokratike dhe të vihet në pushtet një qeveri e aftë që gëzon besimin e njerëzve dhe më pas të fillojnë bisedimet me ta për një marrëveshje paqeje”, përfundoi presidenti rus.
Ai tha se përpjekjet e Trump për të vazhduar bisedimet e drejtpërdrejta me Rusinë, ndryshe nga paraardhësi i tij Joe Biden i cili shmangu kontaktet, treguan se presidenti i ri dëshiron paqe.
