Komandanti i FSK-së, Bashkim Jashari ka uruar Festë e Fitër Bajramit. Në prag të kësaj feste, Jashari u dërgoi urimet më të përzemërta besimtarëve myslimanë dhe personelit të FSK-së, duke dëshiruar paqe, mirësi dhe begati në familjet e tyre.
“Në këtë ditë të bekuar, që ngërthen në vete vlera të thella të sakrificës, solidaritetit dhe dashurisë për njëri-tjetrin, ju uroj nga zemra një Bajram të gëzuar, të mbushur me harmoni e lumturi pranë më të dashurve tuaj. Qoftë kjo ditë një moment reflektimi për forcimin e vlerave tona njerëzore, shpirtërore dhe kombëtare”, është shprehur Jashari.
Komandati i FSK-së, ka shprehur mirënjohje dhe respekt të thellë për të gjithë personelin e FSK-së që edhe në ditë festash, mbeten të përkushtuar në shërbim të vendit dhe qytetarëve.
Ai ka uruar që kjo festë të sjellë unitet, mirëkuptim dhe dashuri mes njerëzve.
