Numri i të vdekurve nga tërmeti shkatërrues në Mianmar është rritur në 1 mijë e 644, kanë thënë udhëheqja ushtarake e vendit.
Presidentja e vendit Vjosa Osmani, përmes një postimi në “X”, ka thënë se Republika e Kosovës solidarizohet me popullin e Tajlandës dhe Mianmarit.
Osmani shprehu ngushëllime për familjet e viktimave dhe të gjithë ata që janë prekur nga kjo tragjedi, transmeton Klankosova.tv.
“Republika e Kosovës solidarizohet me popullin e Tajlandës dhe Mianmarit pas tërmetit shkatërrues që goditi të dy vendet. Ne shprehim ngushëllimet tona më të thella për familjet e viktimave dhe për të gjithë ata që janë prekur nga kjo tragjedi. Le të gjejnë forcë dhe qëndrueshmëri përballë një humbjeje kaq të thellë”, ka shkruar Osani në X.
