Policia e Kosovës ka iniciuar rast të kontrabandës me migrantë, pasi dy shtetas të Sri-Lankës kanë hyrë ilegalisht në vendin tonë. Një person me veturë në vend se t’i ndalej policisë, ka vozitur shpejt për t’u ikur por më pas e ka braktisur veturën e ka ikur këmbë.
Policët më pas kanë hasur dy shtetas të Sri-Lankas që kishin qenë në veturë me të dyshuarin dhe vetura kishte hyrë nga Serbia në Kosovë.
“Një drejtues i automjetit, më të vërejtur se njësia policore e ka pikasur dhe kishte qëllim ta ndalonte, ka shtuar shpejtësinë dhe ka tentuar të ik. Në një largësi nga aty, ka braktisur veturën dhe ka ikur në këmbë. Në afërsi të veturës janë takuar dy persona meshkuj të cilët ishin pa dokumente. Gjatë bisedës me ta, të njëjtit kanë deklaruar se janë shtetas të Shrilankës dhe kanë hyrë me atë veturë nga Serbia në Republikën e Kosovës. Gjatë verifikimit të veturës përmes ka rezultuar se i përket një personi mashkull i Serbisë”, thuhet në raportin 24 orësh të policisë.
Tutje bëhet e ditur se vetura është sekuestruar, ndërsa dy personave u është lëshuar vendim për qëndrim dy-javor në Kosovë dhe janë liruar.
