600 gjoba janë shqiptuar nga Policia e Rajonit të Prishtinës për shkelje të ndryshme të trafikut vetëm gjatë 24 orëve të fundit. Ky aksion është pjesë e angazhimeve të vazhdueshme për përmirësimin e sigurisë në rrugë.
Policia e Rajonit të Prishtinës njofton se po vazhdon angazhimet policore për ngritjen e sigurisë në trafik.
Me anë të një komunikate për medie bëhet e ditur se përveç planeve, policia ka pranuar denoncime nga qytetarët/mediat për shkelje të ndryshme nga ngasës të automjeteve në trafik dhe se pjesë e punës së zyrtarëve të njësitit të trafikut ka qenë edhe identifikimi dhe gjobitja e tyre.
Në njoftim bëhet e ditur se vetëm gjatë 24 orëve të fundit janë shqiptuar rreth 600 gjoba.
