Një ngjarje e rëndë tronditi mbrëmë qytetin e Kaçanikut, ku rreshteri i Policisë, Muhamed Lika, u qëllua me armë zjarri para banesës së tij dhe për pasojë humbi jetën.
Lika u qëllua me armë në rrethana që ende nuk janë bërë të qarta, ndërsa ekipet hetimore po punojnë për të ndriçuar rastin dhe për të kapur autorin e krimit.
Policia e Ferizajt ka dalë me një deklaratë zyrtare, duke konfirmuar se i dyshuari për vrasjen është në arrati dhe se operacionet për kapjen e tij janë duke vazhduar me intensitet të lartë.
Ndërkohë, familjarët, kolegët dhe miqtë e rreshterit që humbi jetën, janë të tronditur nga vrasja e tij.
Familja ka njoftuar se Muhamed Lika do të varroset sot, në fshatin Shtrazë të komunës së Kaçanikut.
