Aktivistët e e iniciativës “Asni cent ma shumë”, kanë bllokuar sërish sot zyrat e ZRRE-së.
Sipas tyre, asnjë rrahje, arrestim apo presion nuk do t’i ndalë që ta kërkojnë të drejtën e tyre. Një ditë më parë, 12 aktivistë të iniciativës “Asni cent ma shumë” janë arrestuar nga Policia e Kosovës pas aksionit që patën në bllokimin e zyrave të ZRRE-së.
Ata thanë se gjatë arrestimit u përdor edhe dhunë kundër tyre. Pikërisht për shkak të paralajmërimeve për shtrenjtim të serishëm të rrymës, të shtunën do të protestohet në Prishtinë.
Body:
Një grup i aktivistëve të cilët po kundërshtojnë shtrenjtimin e energjisë elektrike, i kanë bllokuar mëngjesin e së mërkurës zyrat e Rregullatorit për Energji Elektrike. E derisa refuzuan të largohen nga zyrat e ZRRE-së, ndërhyri Policia e Kosovës.
Si rrjedhojë, 12 aktivistë u arrestuan.
Nga iniciativa “Asnji cent ma shumë” thanë se kundër aktivistëve të tyre u përdorë edhe dhunë.
Nga kjo iniciativë theksuan se asnjë zyrtar i ZRRE-së nuk mund të punojë në zyrat e këtij institucioni derisa nuk zotohen se nuk do ta shtrenjtojnë energjinë.
Arrestimin e aktivistëve e konfirmuan për RTK-në gjatë së mërkurës edhe nga Policia e Kosovës.
Të premten e 11 prillit Zyra e Rregullatorit të Energjisë Elektrike do të vendosë rreth tarifave të reja të energjisë elektrike.
