Këshilli Prokurorial i Kosovës ka aprovuar kërkesën e Autoritetit Kompetent të Prokurorisë Themelore në Prizren për fillimin e hetimeve në rastin AD. Duke themeluar Panelin Hetimor për këtë rast disiplinor ndaj një prokurori.
Ky aprovim u bë në takimin e sotëm të Këshillit Prokurorial të Kosovës.
Gjithashtu, aty u miratua raporti Vjetor për zbatimin e Planit të veprimit të Planit strategjik të sistemit prokurorial të Kosovës për vitin 2022-2024. U miratua Plani Vjetor të Punës së Këshillit Prokurorial të Kosovës për vitin 2025.
Gjithashtu vendim pati edhe për emërimin e prokurorit Shukri Jashari në detyrën e anëtarit të Këshillit Drejtues në Akademinë e Drejtësisë nga radhët e prokurorëve të prokurorive themelore.
Në këtë takim të 265-in me radhë KPK-ja miratoi Raportin e Komisionit për Transferim dhe Avancim dhe avancoi prokurorin Anton Hasanaj në Departamentin për Krime të Rënda në Prokurorinë Themelore në Gjakovë, si dhe miratoi Raportin Përmbledhës të Vlerësimit Vjetor nga kryeprokurorët për prokurorët e shtetit për vitin 2024.
